ना ख़रीदे पर सन्धि बा
ना पिये पर पाबंदी बा
भइया हो बिहार में
बस नाम के शराबबंदी बा
लोग अपने मन के करत बा
प्रशासन से के अब डरत बा
पी के खूब नक़ली शराब
लोग थोक भाव में मरत बा
ना कौनो लामबंदी बा
ना कौनो घेराबंदी बा
भइया हो बिहार में
बस नाम के शराबबंदी बा
पतई ना पूरा पेड़ हिलत बा
प्रशासन ओल छिलत बा
जेकर बा जोगाड़ बढ़िया
वोकरा घरे बइठल मिलत बा
नाहीं कौनो मंदी बा
सबक़र रजामंदी बा
भइया हो बिहार में
बस नाम के शराबबंदी बा