दिल्ली शराब नीति मामला में मुख्यमंत्री अरविंद केजरीवाल के हाईकोर्ट से राहत नईखे मिलल। केजरीवाल उनुका के गिरफ्तारी अवुरी रिमांड प भेजे के फैसला के दिल्ली हाईकोर्ट में चुनौती देले रहले, लेकिन कोर्ट उनुका के कवनो राहत ना देलस। अब एह मामिला पर अगिला सुनवाई 3 अप्रैल के होखी.
कोर्ट ईडी से कहले बिया कि ऊ दू अप्रैल ले आपन जवाब दाखिल कर दे. केजरीवाल के ईडी हिरासत 28 मार्च के खतम होखे वाला बा. अयीसना में गुरुवार के ईडी केजरीवाल के राउस एवेन्यू कोर्ट में पेश करी। एकरा संगे-संगे केजरीवाल के मुख्यमंत्री पद से हटावे के मांग करेवाला पीआईएल पर बियफे के दिल्ली हाईकोर्ट में सुनवाई होई।
दिल्ली के कथित शराब घोटाला के मामला में मुख्यमंत्री अरविंद केजरीवाल के 21 मार्च के रात हिरासत में लिहल गईल रहे।
अगिला दिने उनुका के कोर्ट में पेश कईल गईल अवुरी कोर्ट उनुका के 28 मार्च तक ईडी के हिरासत में भेज देलस।
21 मार्च के देर रात सीएम केजरीवाल के नई दिल्ली के आवास से ईडी गिरफ्तार क लिहले रहले।
उनुका प दिल्ली शराब नीति में भईल कथित घोटाला में शामिल होखे के आरोप बा।
प्रवर्तन निदेशालय 22 मार्च के कहले रहे कि शराब घोटाला के मामला में दिल्ली के मुख्यमंत्री अरविंद केजरीवाल मुख्य ‘साजिशकर्ता’ बाड़े।