ज़ी गंगा के सबसे लोकप्रिय शो श्याम तुलसी में श्यामा के किरदार से घर-घर अलग पहचान बनवले बाड़ी।
अलीशा शर्मा से मिलल जानकारी के मुताबिक उ बतवनी कि घर-घर दर्शक के बीच आपन पहचान बनावल एतना आसान नईखे, हमरा खाती बहुत मुश्किल रहे काहेंकी श्यामा के किरदार निभावल हमरा खाती बहुत चुनौतीपूर्ण रहे काहेंकी इ हमार ह पहिला सीरियल जवना से हम शुरुआत कइले बानी.
आ सबसे कठिन काम तब होला जब रउरा कवनो छोट शहर से बाहर निकल के मुंबई जइसन मेट्रो शहर में अपना के स्थिर कर लेत बानी.
इहाँ इ बतावल जरूरी बा कि श्यामा किरदार एह धारावाहिक के सबसे प्रिय आ महत्वपूर्ण किरदार बा।
जवना में एगो साधारण धुंधला लईकी बा अवुरी ओकरा में बहुत प्रतिभा बा लेकिन ओकर करिया रूप के चलते ओकर ससुराल के लोग ओकरा के अनदेखी क देवेले, ओकरा संगे ठीक से व्यवहार ना करेले।
एह धारावाहिक में पारिवारिक ताना-बाना से बुनल बहुत प्यारा कहानी बा, पारिवारिक नाटक के संगे-संगे इ समाज के एगो संदेश दे रहल बा कि आदमी के प्रतिभा के ओकर रंग से अंदाजा नईखे लगावल जा सकत।
अलीशा शर्मा के अलावे मनु कृष्ण अपना विपरीत पुरुष लीड में निखिल के किरदार में बाड़े जे बहुत बढ़िया कलाकार बाड़े।
एह धारावाहिक के निर्माण मीनाक्षी सागर, विजय आर यादव आ संजय यादव कइले बाड़न आ निर्देशक बाड़न चेतन शर्मा. अगर रउवा अभी तक इ सीरियल नईखी देखले त सोमवार से शुक्रवार तक शाम 7 बजे जरूर देखी।